ആഴ്ച പ്രതിഫലനം

ബി.എഡ്ഡ്.പാഠ്യപദ്ധതിയുടെ ഭാഗമായി നടത്തുന്ന അധ്യാപന പരിശീലനത്തിനായി ഇത്തവണയും എനിക്ക് ലഭിച്ചത് "കൊട്ടിയം. എൻ.എസ്സ്.എം.ജി.എച്ച്."സ്കൂളായിരുന്നു. എന്റെ കോളേജിൽ നിന്നും ഞങ്ങൾ പന്ത്രണ്ട് വിദ്യാർത്ഥിനികളായിരുന്നു ഈ സ്കൂളിലേക്ക് അധ്യാപന പരിശീലനത്തിനായി എത്തിയത്.ഞങ്ങൾ നവംബർ മാസം എട്ടാം തീയതിയാണ് സ്കൂളിലേക്ക് പരിശീലനത്തിനായി പോയിത്തുടങ്ങിയത്.
കോളേജിൽ നിന്നുമുള്ള ഞങ്ങളുടെ പ്രിൻസിപ്പാളിന്റെ കത്ത്, സ്കൂളിലെ പ്രധാന അധ്യാപികയായ " ബീന "ടീച്ചർ സ്വീകരിച്ചു കൊണ്ട് ഞങ്ങൾക്ക് സ്കൂളിൽ പ്രവേശനം നൽകി.
40 ദിവസത്തെ പരിശീലനവും ഈ സ്കൂളിൽ വച്ചു തന്നെയായിരുന്നതിനാൽ യാതൊരുവിധ ബുദ്ധിമുട്ടും കൂടാതെ തന്നെ ആദ്യ ദിവസം മുതൽ കുട്ടികളെ പഠിപ്പിച്ചു തുടങ്ങി. 40 ദിവസം പരിശീലനം നടത്തിയ 9.D ക്ലാസ്സിൽ തന്നെയാണ് ഇത്തവണയും പരിശീലനത്തിനായ് ലഭിച്ചത്.
കേരളപാഠാവലിയിലെ" അമ്പാടിയിലേക്ക് " എന്ന കവിതയും, അടിസ്ഥാനപാഠാവലിയിലെ "സഫലമീ യാത്ര" എന്ന കവിതയും ഞാൻ ഈ ഒരാഴ്ചയിൽ പൂർത്തീകരിച്ചു. കുട്ടികളെക്കൊണ്ട് എല്ലാ ദിവസവും പഠന പ്രവർത്തനങ്ങളും തുടർ പ്രവർത്തനങ്ങളും ചെയ്യിപ്പിച്ചിരുന്നു.അനുബന്ധ പ്രവർത്തനങ്ങളും കുട്ടികൾക്ക് പറഞ്ഞു കൊടുത്തിരുന്നു.
എല്ലാ ദിവസവും അസംബ്ലിയിൽ പ്രാർത്ഥന, പ്രതിജ്ഞ, ഇന്നത്തെ ചിന്താവിഷയം, ബൈബിൾ വാക്യം ,റോഡ് സുരക്ഷാ നിയമം, ദേശീയഗാനം എന്നിവ ഉണ്ടായിരിക്കും.
" നവംബർ 14 ശിശുദിനമായതിനാൽ " അന്നേ ദിവസം സ്കൂളിൽ പ്രത്യേക അസംബ്ലി ഉണ്ടായിരുന്നു. കുട്ടികൾ പല പരിപാടികളും അവതരിപ്പിക്കുകയുണ്ടായി. ആക്ഷൻ സോംഗ്, സംഘഗാനം, പ്രസംഗം തുടങ്ങിയ നിരവധി പരിപാടികൾ കുട്ടികൾ അവതരിപ്പിച്ചു. 6 B ക്ലാസ്സിലെ 'തസ്നിയ' എന്ന കുട്ടി നെഹ്റുവായി വേഷമണിഞ്ഞ് എത്തിയത് പരിപാടിയുടെ മാറ്റുകൂട്ടി.. സ്കൂളിലെ പ്രധാന അധ്യാപികയായ "ബീന " ടീച്ചർ ശിശുദിന സന്ദേശം നൽകി.സ്കൂളിനു ചുറ്റുമായി റാലിയും നടത്തിയിരുന്നു. തുടർന്ന് ലഡു വിതരണം ഉണ്ടായിരുന്നു.

പാഠഭാഗങ്ങൾ പഠിപ്പിച്ചും പഠനപ്രവർത്തനങ്ങൾ നടത്തിയും ഈ ഒരാഴ്ചക്കാലം കടന്നു പോയി...!